2016 жылдың 15-18 сәуір аралығында Шымкент қаласында шахматтан есту мүшесі зақымдалған мүгедек-спортшылар арасында ҚР чемпионаты өтті. Бұл жарыста «Алматы» спорт клубының шахмат бөлімінің жаттықтырушысы Елдос Кузербаевтың шәкірттері үздік нәтиже көрсетіп, 3 алтын, 2 күміс медальмен оралды. Шахматтың классика, рапид, блиц турнирлері бойынша бақ сынаған жерлестеріміз жалпыкомандалық есепте үздік атанды. Ұлдар арасында Коробкин Д. жекеше және Амантай А. мен Коробкин Д. командалық ойыннан 1 орынға ие болса, қыздар арасында Несипжан Л. 1 орын (жекеше) және Есимова А. 2 (жекеше), ал командалық сайыстан 2 орынды иеленді. Жарыс жеңімпаздары мен жүлдегерлері Қазақстан Республикасы Мәдениет және спорт министрлігінің Спорт және дене шынықтыру істері комитетінің кубок, диплом, медальдарымен және сыйлықтарымен марапатталды.
